Православные акафисты

Избранный угодниче и Христа ради юродивый святый блаженный отче Андрее, с юных лет подвиг отречения от благ житейских избравший, хвалебное ныне приносим тебе пение, чтуще святую память твою. Ты же яко имеяй велие дерзновение к милосердному Господу, от всяких нас бед и напастей свободи, да зовем ти:

Радуйся, блаженне отче Андрее, града Симбирска чудная похвало и заступление.

Равноангельского жития сподобился еси, блаженне Андрее, ибо по ранней смерти благочестивых родителей твоих отверг еси мира суетное служение и вся его ложные красоты. Того ради услыши от нас похвалы, тебе приносимыя:

Радуйся, доброго корени отрасль благочестная.

Радуйся, чадо молитвы родителей боголюбивых.

Радуйся, от рождения твоего Богом избранный.

Радуйся, подвиг юродства на себя от отрочества принявший.

Радуйся, семя Христова учения в сердце своем возрастивший.

Радуйся, вся красная мира ни во что же вменивший.

Радуйся, в немощном телеси силу велию явивый.

Радуйся, блаженне отче андрее, града симбирска чудная похвало и заступление.

Видя престранное твое житие, ибо презрев всякое о плоти смертней попечение, в зной и стужу в рубище был облачен, верою теплою и пламенной ко Христу любовию согревае-мый, вернии града Симбирска, видя доброту и смирение твое и Духа Святаго стяжание, воспели Богу: Аллилуиа.

Разум, от Бога тебе данный, во мнимом безумии сокрыл еси, блаженне; в видимом тела покое дух свой возбуждая, в безгласии своем положил еси хранение устам, но непрестанно в сердце своем молитвы о людях грешных Господу приносил еси. Мы же, дивясь таковому житию твоему, взываем хвалебно:

Радуйся, тяжкий крест юродства Христа ради приемший.

Радуйся, мнимым безумием сияние благодати сокрывший.

Радуйся, яко дитя неразумное пред людьми явился.

Радуйся, гордыни пламень с малых лет в себе угасивший.

Радуйся, дар прозорливости подвигом молитвы стяжавший.

Радуйся, даром сим страждущим послуживший.

Радуйся, всем просящим помощи скорое вспоможение.

Радуйся, блаженне отче Андрее, града Симбирска чудная похвало и заступление.

Невозможная от человек Господом силою Духа Святаго соделается, и сила Божия в немощех совершается; немощный человек самоотвержением себе Христа ради вечнаго врага попирает. Укрепи, блаженне отче Андрее, молитвами твоими и нас, в мятеже суетнаго жития сего изнемогающих, да сподобимся с тобою в небесных чертозех воспевати песнь: Аллилуа.

Ведая, блаженне, яко в земном житии ты провидцем судеб человеческих явлен был, целителем недуг тяжких многих, скорбных утешителем, немощных укреплявшим, заблудшим на путь правды наставником, и ныне вернии к помощи твоей прибегают, воспевающе тебе сице:

Радуйся, грядущая яко настоящая провидевый.

Радуйся, креста своего усердный носителю.

Радуйся, иго Христово и бремя Его благодушно подъемый.

Радуйся, дар исцелений от Бога приемый.

Радуйся, рубищем паче одежды златотканныя украсивыйся.

Радуйся, возлюбивший паче одра мягкаго на земли повержение.

Радуйся, поношения яко хвальбу приемлющий.

Радуйся, блаженне отче Андрее, града Симбирска чудная похвало и заступление.

Видим тя, блаженне Андрее, новую светозарную звезду, чудно возсиявшую на тверди Церкви Российстей, явльшуюся нам в последние времена и сущим в гордыне и прелести ума своего показующую высоту смирения и любве, научая верных пети Богу: Аллилуиа.

Духом провидя преподобный Серафим Саровский равное ангельскому дивное житие твое, блаженне отче Андрее, назва тя крепким предстателем и молитвенником граду Симбирску. Мы же, дивящеся таковому о нас недостойных и жестокосердых смотрению Божию, во умилении зовем таковая:

Радуйся, волжских пределов светлое украшение.

Радуйся, граду Симбирску неложное похваление.

Радуйся, Духа Святаго чистое селение.

Радуйся, смирением и терпением бесплотным уподобление.

Радуйся, всем помощи просящим скорое вспоможение.

Радуйся, светильниче Божественнаго света.

Радуйся, в смирении своем чудно возвышенный.

Радуйся, блаженне отче Андрее, града Симбирска чудная похвало и заступление.

Боготечней звезде уподобился еси, блаженне отче Андрее, житием твоим освятил еси пределы симбирския, блистающе велиим подвигом себя отвержением. Нас же, погибающих в бурях страстей моря житейского, наставляеши к тихой пристани спасения пособием молитв твоих. Мы же, прославляя Господа, прославльшаго тя, вопием Ему: Аллилуиа.

Сподобил тя, блаженне отче, Господь человекам служити и послал ти дар целения недугов плоти немощной; подавал еси страждущим хлеб и чрез него сии от Милосердного Бога исцеление прияли. Ныне же в чертогах небесных хлеб жизни вечныя вкушаеши и молиши за нас, телом и душею немощствующих, и к тебе в умилении взывающих:

Радуйся, недугов тяжких целителю.

Радуйся, от погибели нечаянной избавителю.

Радуйся, в родах тяжких вспомощниче.

Радуйся, лукавых бесов посрамителю.

Радуйся, отчаявшихся надеждо.

Радуйся, чад наших хранителю.

Радуйся, гнев Божий от нас отвращающий.

Радуйся, блаженне отче Андрее, града Симбирска чудная похвало и заступление.

Проповедник и образ евангельского жития был еси в терпении и кротости: Господь, ви-дя высоту смирения твоего, блаженне Андрее, дарова тебе дар зрения тайных и сокровенных. Даром сим многих от погибельного пути греха на стези покаяния наставил еси. Мы же видевши о тебе таковая, Богу поем: Аллилуиа.

Предвидел еси, блаженне, кончину суетнаго человеческаго жития, и сохранить душу бессмертную у таковых человек желая, подавал им о сем видимый знак, персть земную или щепу недоуменным в десницу влагая. О сем ведуще, и мы со смирением к тебе припадаем, да умолиши Спаса душ наших христианскую кончину даровати всем ныне вопиющим ти таковая:

Радуйся, житием твоим суетность мира сего обличивый.

Радуйся, плоть свою со страстьми и похотьми поправый.

Радуйся, всякое пристрастие земное от себе отгнавый.

Радуйся, мир Христов в душе своей стяжавый.

Радуйся, источниче благодати обильный.

Радуйся, защитниче наш пред Господом сильный.

Радуйся, себе Богу всецело предавый.

Радуйся, блаженне отче Андрее, града Симбирска чудная похвало и заступление.

Хотяще тебе, блаженнее Андрее, от земнаго жития разрешитися, приобщился еси Чест-наго Тела и Крови Христа Бога нашего, просветился еси лицем радостию небесною. Чтущия тя, стекшеся ко смертному одру твоему, видяще радость твою о Господе, токи умиленных слез проливаху, поюще к Богу: Аллилуиа.

Новое знамение благоволения своего яви Господь к нам, жестоковыйным, тонущим в гордыне и самообольщения ума своего: указа место погребения и честныя мощи твоя, блаженне, до селе сокрытыя. Новаго тя молитвенника и предстателя пред милосердием Божиим, тя стяжахом, благодарно сердцем и усты вопием ти:

Радуйся, смирением высокая стяжавый.

Радуйся, очеса своя всегда с упованием на Господа возводивый.

Радуйся, скорый и безмездный врачу.

Радуйся, воине Христов непобедимый.

Радуйся, человече Божий, смирением и терпением, яко поясом златым препоясанный.

Радуйся, за незлобие твое Господом блаженством увенчанный.

Радуйся, заступником града Симбирскапреподобным Серафимом нареченный.

Радуйся, блаженне отче Андрее, града Симбирска чудная похвало и заступление.

Грех ради и беззаконий человеческих попущением Божиим буря безумнаго безбожия разруши державу Российскую, Церковь же Божию постиже огненное искушение. Руце нечестивых оскверниша место упокоения твоего, блаженне Андрее, но божественным промышлением в последняя времена явлено нам место погребения и честныя мощи твоя. Вернии же, чудящеся сему, радостно поют Богу: Аллилуиа.

Имея неисчерпаемое богатство чистоты душевныя и смиренномудрия, веру несумнен-ную и помысл чист, юродствуя во Христе, неленостно служил еси Господеви всем житием своим. Темже, яко звезда путеводная светиши всем в житии ко Христу идущим. Сего ради высокаго подвига твоего вопием ти сицевая:

Радуйся, живый храм Божественнаго терпения.

Радуйся, гордых сердцем обличавый смирением .

Радуйся, красото смиренномудрия и воздержания.

Радуйся, образе кротости и послушания.

Радуйся, ангелоподобный человече.

Радуйся, безмолвниче дивный.

Радуйся, тайно в молитве от бед сохраняющий.

Радуйся, блаженне отче Андрее, града Симбирска чудная похвало и заступление.

Все житие твое поработих заповедем Христовым, яко раб благий, его же дивно Сам Царь Славы прослави. Всякия скорби и тесноты претерпел еси: заушения, оплевания, поношения и осмеяния, радостно шествуя узким путем жития твоего, блаженне Андрее. Сего ради и Христос тя со блаженными вселил еси, с ними же в вечном Его Царствии поеши ангельскую песнь: Аллилуиа.

Витийствующий язык и гордый ум совопросников века сего не возможет по достоянию уразумети земное житие твое, блаженне Андрее, яже совершил еси, шествуя ко Христу. Кто бо доволен изрещи высоту подвига юродства твоего и кто изочтет самоотвержение и высоту духа твоего, небесный человече и земный ангеле. Мы же, смирением твоим побеждаеми, зовем ти таковая:

Радуйся, прибежище наше в земных скорбех.

Радуйся, скорый помощниче в тяжких обстояниях.

Радуйся, источниче обильный благодатию.

Радуйся, заре пресветлая смирения, души грешных озаряющая.

Радуйся, теплото любве божественныя нас согревающая.

Радуйся, звездо, лучами своими души гордых человек уроком смирения просвещающая.

Радуйся, силою Божией, данной тебе, бесноватых исцеляющий.

Радуйся, блаженне отче Андрее, града Симбирска чудная похвало и заступление.

Господь хранит вся кости праведных, и ни едина от них сокрушиться. Ныне дивно яви-шася нам мощи твоя, блаженне Андрее, яко животворный источник благодати, омывающий скверную нечистоту душ наших. Благодать бо изливаеши всем, с молитвою к тебе притекающим и поющим Богу: Аллилуиа.

Стеною необоримою явился еси граду Симбирску и стране нашей, крепкий заступник в бедах и скорбех многомятежнаго сего жития живущим. Тебе убо молим, блаженне Андрее, укроти гордость ума нашего и научи воспевати тебе сице со смирением:

Радуйся, прелести мира ни во что же вменивый.

Радуйся, Христу Богу всем житием послуживый.

Радуйся, блаженство вечное унаследовавый.

Радуйся, всякую гордость в себе уничиживый.

Радуйся, греховных ран скорое врачевание.

Радуйся, ставших на путь покаяния доброе поддержание.

Радуйся, страны нашея чудное радование.

Радуйся, блаженне отче Андрее, града Симбирска чудная похвало и заступление.

Пение наше молебное приими, блаженне отче Андрее, се бо верою и любовию к тебе прибегаем, преклоняем пред смирением твоим колена жестоковыйных сердец наших, и прославляем прославльшаго тя Господа, молимся ти: умири волнующееся море жития нашего, укроти смущение человеческия, да зовем дивному во святых своих Богу нашему: Аллилуиа.

Новоявленную звезду, путеводящую нас по пути ко спасению, ныне возсиявшую на тверди церковней, видим тя, блаженне Андрее, и светом подвига твоего озаряеми, твердо веруем и уповаем на предстательство твое пред Господем за нас недостойных и зовем ти таковая:

Радуйся, сосуде Духа Святаго исполненный.

Радуйся, дарами его просвещенный.

Радуйся, кротости и смирения Христова вместилище.

Радуйся, младенческия чистоты и искренняго незлобия хранилище.

Радуйся, яко и по преставлении твоем в небесныя нас не оставляющий.

Радуйся, яко милосердие Божие о гресех наших умоляеши.

Радуйся, всем притекающим к тебе пред Богом предстателю.

Радуйся, блаженне отче Андрее, града Симбирска чудная похвало и заступление.

Благодать приял еси от Господа, блаженне Андрее, провидети духовныма очима всяк тайный грех и сокровенный недуг душевный в людех: подаждь убо и нам, грехми ослепленным, зрение темноты и недостоинства своего, да исцеление молитвами твоими, чистым сердцем и усты, радостно поем ангельскую песнь Богу: Аллилуиа.

Воспеваем твоя великия подвиги, блаженне Андрее, почитаем самоотвержение и юродство твое во Христе, ублажаем твою святую кончину, славим в немощнем теле мужество неизреченное и, в похвалу подвига земнаго жития твоего, вопием ти сицевая:

Радуйся, жестоким путем юродства райских селений достигший.

Радуйся, нищетою богатство вечное обретший.

Радуйся, уничижением познавый мир высочайший.

Радуйся, поношением от безумных, Христа ради, вечную славу Ним стяжавший.

Радуйся, чистым сердцем любовь Христову познавший.

Радуйся, омраченных духом прелести и гордыни смирявший.

Радуйся, лед злобы нераскаянных сердец любовию твоею растопивший.

Радуйся, блаженне отче Андрее, града Симбирска чудная похвало и заступление.

О, преславный угодниче Христов, добрый тайновидче душ человеческих, святый блаженный отче Андрее, крепкое наше заступление пред милосердием Божиим! Приими от нас, грешных и недостойных, сие малое моление наше от любве тебе приносимое, и твоим предстательством умири наши бури житейския, укроти гордыню ума человеческаго, исправи наш стропотный путь греха и даруй нам дар покаяния совершеннаго, очисти от всякия нечистоты, да в купе с тобою вопием Спасителю нашему и Господу ангельскую песнь: Аллилуиа, Аллилуиа, Аллилуиа.

Молитва блаженному Андрею Симбирскому

О, смиреннейший и дивный угодниче Христов, преблаженне отче Андрее! Ты измлада мир сей видимый и привременный ни во что вменил еси, и иго неизреченныя любви Христовой на себя подъял, с ним же безропотно шествовал всем житием твоим, заповеди Спасителевы исполняя со тщанием и смирением. Темже тя Господь Славы прославил и сподобил зрети Свет Истины.

Мы же грешнии, потемненными и гордыми очами умов наших зрящие лишь земная и суетная века сего развращенного и погибельнаго, преклоняя колена озлобленных сердец наших пред высотою подвига твоего, смиренно молим тя, блаженне Андрее: молитвами твоими свободи нас от порочных земных помыслов и страстей, укроти злобствования и гордыню в душах наших, недугующих душею и плотию исцели, скорбящим помози, грешных на путь спасения настави, буди заступником усердным во всем житии нашем, тя бо великого ходатая и молитвенника за нас, недостойных, Господь нам послал. Ей, дивный угодниче Божий, исходатайствуй молитвами твоими вся, яже ко спасению нам способствующая, град сей и страну нашу от всякаго искушения и озлобления помощию твоею сохрани, да предстательством твоим соблюдаеми, славим велие долготерпение Божие к нам недостойным всегда, ныне, и присно, и во веки веков. Аминь.

Читать другие акафисты раздела "Православные акафисты"

Читайте также:

© Миссионерско-апологетический проект "К Истине", 2004 – 2017

При использовании наших оригинальных материалов просим указывать ссылку:

Святой блаженный Андрей, Христа ради юродивый. Великий помощник всем просящим его помощи!

С 7 лет из одежды отрок Андрей стал носить только длинную рубаху, а на ноги и вовсе ничего не надевал: ходил по Симбирску и зимой, и летом в любую погоду босиком.

Блаженный Андрей Ильич с давних пор, еще при жизни своей, почитался всеми симбирянами, независимо от того, к какому сословию они принадлежали, — как заступник, хранитель г. Симбирска. Тогда это был весьма небольшой дворянско-купеческий городок, так что жизнь Андрея Ильича проходила можно сказать, на глазах у всех горожан, — тем более, что в свою маленькую хижину, где он жил с сестрой, он приходил лишь ночевать, остальное время проводил на улице. Потому-то многие эпизоды его жизни сохранились в народной памяти.

Господь наградил своего угодника даром прозорливости. Все горожане знали о том, что каждое действие Андрея Ильича имеет потаенный смысл. Если он подавал кому-то деньги, то человеку этому способствовал успех в делах или повышение по службе. Так, в 1825 году он вбежал в дом советника А.Ф.С. Схватив медные деньги с подоконника, он стал совать их домашним А.Ф.С. В удивлении от его действий они клали деньги на свое место, однако он снова и снова протягивал им эту денежную мелочь, причем делал вид, что пересчитывает деньги. Никто не понял в этот день, что именно хотел сказать им своими действиями юродивый. Но вскоре дело разъяснилось. Через некоторое время Павла Л., зятя советника, назначили на должность казначея.

Если же блаженный Андрей подавал человеку щепку или горсть земли, — то это было знаком скорой кончины. Часто предупреждал он людей о смерти, готовя их к христианской кончине, и тем, что приходил к ним в дом и, вытягиваясь, подобно покойнику, ложился под образами в переднем углу. Однажды зашел он в дом к госпоже Быковой, когда она, отправившись после родов, шла в баню. Он прошел в ее спальню и лег на диван, сложив руки на груди. Возвращаясь из бани, женщина простудилась и вскоре, умерла, скончавшись на том самом диване.

Известны многие случаи исцеления людей по молитвам святого блаженного Андрея. Так, он исцелил Ф. И., которую любил за добрый нрав. Однажды она так тяжело заболела, что стала жестоко страдать бессонницей. Врачи признали ее состояние безнадежным. Ей предсказывали скорую смерть. Эту женщину шла проведать ее знакомая, которая на улице встретила Андрея Ильича и, веря в силу его святых молитв, просила его передать что-нибудь на исцеление Ф. И. Блаженный Андрей передал своей любимице коврижку, которую та съела — тоже с глубокой верой в заступление блаженного Андрея Ильича. Вскоре она заснула, а затем и вовсе оправилась от своей болезни и стала здорова.

Всю свою жизнь блаженный Андрей Ильич отдал на служение своим ближним. Кому помогал молитвой, кому — предупреждением, кому делом. А у одного младенца он стал крестным отцом, и притом каким! Мать одной девицы, в будущем инокини, в течение нескольких дней мучилась родами. Видимо, блаженный Андрей решил помочь ей, и направился к ней в дом. Едва он взошел на крыльцо дома, как роженица благополучно разрешилась от бремени. Поняв, кто помог ей, она обрадовалась и решила, что именно Андрей Ильич Самим Господом послан как восприемный отец родившегося мальчика С. В церкви у купели Андрея Ильича поминали как крестного отца. Сам же он об этом не знал. Но когда после очистительной молитвы мать с ребенком вошли в его жилище, он, как и положено крестному отцу, возложил на своего крестника святую икону (Ангела-хранителя с Соловецкими чудотворцами). Этим он выказывал свою прозорливость.

Блаженного Андрея Ильича многие люди стремились чем-либо одарить. Однако он духом прозревал настроение и духовное устроение человека и не всегда принимал угощение ли подарок. Один симбирянин, имевший детей, нес ему большую коврижку. По дороге он размышлял: “Зачем это я такую большую коврижку несу ему? Верно, не скушает один всей коврижки; лучше бы детям отдать половину”. Андрей Ильич отломил от коврижки небольшую часть, а остальное возвратил своему благодетелю.

Всю свою жизнь избранный на особый духовный подвиг блаженный Андрей Ильич вел невидимую брань с духами злобы, препобеждая свою немощную плоть. Он не только отказался от многих условностей, от обуви, одежды. Духовное возрастание сопровождалось у Андрея Ильича усилением аскетических подвигов. Известны случаи, когда он мог прямо из огня вытаскивать чугунные горшки. Много раз целовал кипящий самовар, а если и обливался кипятком, то нисколько не страдал из-за этого. Горожане часто видели его стоящим босиком в сугробах по целым ночам. Особенно часто простаивал он в снежных сугробах ночи перед алтарем Вознесенского собора, который находился на Большой Саратовской улице. Там его не раз заставал стоящим в снегу священник В. Я. Архангельский, который и был духовником блаженного. В сильные зимние морозы стоял Андрей Ильич в холодной воде озера Маришка.

Подвижническая жизнь Андрея Ильича продолжалась 78 лет. 21 ноября (4 декабря по н. ст.) 1841 г. блаженный уже не мог подняться с постели по великой телесной слабости. В тот же день к его убогой хижине стал стекаться весь город: попрощаться с ним и получить последнее благословение. За несколько дней болезни Андрея Ильича у него безо всякого зова побывало почти все симбирское духовенство, — так велико было уже в эту пору почитание будущего прославленного святого и ясное понимание необычности происходящего.

1. Архиепископ Анатолий Максимович (1766 — 1844) находился на Симбирской кафедре с 1832 по 1842 год. Высокопреосвященный Анатолий (в миру Андрей Максимович) много потрудился при открытии и благоустройстве Симбирской епархии и ее духовно-учебных заведений. Именно при нем был освящен Свято-Троицкий кафедральный собор. См. о нем: Симбирские епархиальные ведомости. 1994. № 1. С. 5.