Молитвенное поклонение святым угодникам, почивающим в пещерах Киево-Печерской Лавры

Молитва преподобным отцем, глаголемая при входе в пещеры, или когда и где кто изволит

Преподобнии и богоноснии отцы наши Печерстии, избегшии молвы житейскаго попечения и подвизавшиися в подземных (сих) жилищах, тесноту и тьму (зде) претерпевшии, и тем обретши широту небеснаго и блаженнаго пространствия, и просветившиися немерцающим светом троическаго облистания, молите Бога о мне грешнем, да и аз утесняемый скорбьми, от мира сего находящими, и мраком грехов моих омраченный получу от Него отпущение неправд моих и вселюся в вечную и блаженную жизнь в нескончаемом Его царствии. Аминь.

Преподобне и богоносне отче наш Антоние Печерский, моли Бога о мне грешнем, да твоими молитвами спасет и помилует мя, да и просветит мя Своею благодатию.

Преподобне отче наш Прохоре, моли Бога о мне грешнем, да помилует мя недостойного.

Преподобне отче наш Иоанне, моли Бога о мне грешнем, да спасуся твоими молитвами.

Святая и праведная дево, княжно Иулиание, моли Бога о мне грешнем.

Преподобнии отцы наши Феодоре и Василие, молите Бога о мне грешнем, да дарует и мне вашими молитвами сию благодать, во еже подражати вашему дружелюбному житию, дабы жити ми в мире и любви со всеми ближними моими.

Преподобне отче наш Поликарпе, моли Бога о мне грешнем, да твоими молитвами сподоблюся получити от Него отпущение множества грехов моих.

Преподобне отче наш Варлааме, моли Бога о мне грешнем, во еже презрети ми вся благая и красная мира сего, да единаго Его приобрящу, сокровище живота моего неиждиваемое.

Преподобне отче наш Дамиане, моли Бога о мне грешнем, да твоими молитвами, во дни живота моею на земли избавлен буду от болезней душевных и телесных.

Преподобне отче наш Никодиме, моли Бога о мне грешнем, да сохранен буду от всякаго зла.

Преподобне отче наш Лаврентие, моли Бога о мне грешнем, да помилован буду на Страшнем Его суде.

Преподобне отче наш Афанасие, моли Бога о мне гpeшнем, да дарует ми покаяние во днех живота моего, да плачуся выну о гpecex моих.

Преподобне отче наш Еразме, моли Бога о мне грешнем, да сподоблен буду поне при кончине живота моего принести Ему всецелое покаяние.

Преподобне отче наш Луко, моли Бога о мне грешнем, да сохранит мя Своею благодатию от всякаго навета сопротивнаго.

Преподобне отче наш Агапите, уврачуй мя твоими молитвами пред Богом, да буду здрав духом и телом моим.

Преподобнии отцы наши Иоанне и Феофиле, молите Бога о мне грешнем, да дарует ми смирение и память смертную.

Преподобне отче наш Кукшо, моли Бога о мне гpeшнем, да просветит мя Своею благодатию, во еже выну внимати ми Евангельским словесем.

Преподобне отче наш Нектарие, моли Бога о мне грешнем, да в чистоте сердца моего буду ходить пред Ним во вся дни живота моего.

Преподобне отче наш Алексие, моли Бога о мне грешнем, да помилует мя недостойнаго.

Преподобне отче наш Григорие, моли Бога о мне грешнем, да дарует ми выну неленостно бодрствовати духом, и поучатися в законе Его день и нощь.

Преподобне отче наш Сергие, моли Бога о мне грешнем, да сподобит мя быти тщаливым ко всякому благу, и во всем послушливым божественным Его заповедем.

Преподобне отче наш Савво, моли Бога о мне грешнем, да твоими молитвами избавлюся от многих моих беззаконий.

Святителю отче наш Меркурие, моли Бога о мне грешнем, да твоими молитвами избавлюся от множества моих прегрешений.

Преподобне отче наш Пимене, моли Бога о мне грешнем, да дарует ми терпение в злостраданиих моих.

Преподобне отче наш Несторе, моли Бога о мне грешнем, да буду вписан в книгу вечнаго живота, сущаго в царствии Небеснем.

Преподобне отче наш Евстратие, моли Бога о мне грешнем, да поможет ми распятися Ему со страстьми и похотьми моими, иже присно борют мя, и выну воюют на душу мою.

Преподобне отче наш Елладие, моли Бога о мне грешнем, да помилует мя недостойнаго.

Преподобне отче наш Иеремие, моли Бога о мне грешнем, да буду яве видети моя прегрешения.

Преподобне отче наш Моисее, моли Бога о мне грешнем, да дарует ми чистоту душевную и целомудрие.

Преподобне отче наш Иоанне, моли Бога о мне грешнем, да поможет ми отвращитися от блудных страстей плоти моея, да даст ми презрети вся красная мира сего, да единаго Его возлюблю и единому Ему да послужу.

Преподобне отче наш Марко, моли Бога о мне грешнем, да дарует ми память о загробном животе моем.

Преподобне отче наш Григорие, моли Бога о мне грешнем, да сподобит мя скончати житие мое безгрешно и с покаянием.

Преподобне отче наш Онисиме, моли Бога о мне грешнем, да сохранен буду твоими молитвами от всякаго злаго обстояния.

Преподобне отче наш Матфее, моли Богa о мне грешнем, да спасуся твоими молитвами.

Прсподобне отче наш Исаие, моли Бога о мне грешнем, да твоими молитвами спасет и помилует мя недостойнаго.

Преподобне отче наш Аврамие, моли Бога о мне грешнем, да возлюблю и аз трудолюбие и подвиг духовный, якоже возлюбил еси некогда ты.

Святителю отче наш Нифонте, моли Бога о мне гpeшнем, да сподобит мя Царствия Своего Небеснаго.

Преподобне отче наш Сильвестре, моли Бога о мне грешнем.

Преподобне отче наш Макарие, моли Бога о мне гpешнем.

Преподобне отче наш Пимене, моли Бога о мне гpешнем.

Преподобне отче наш Онуфрие, моли Бога о мне грешнем, да положит хранение устом моим,

Преподобне отче наш Анатолие, моли Бога о мне грешнем, да помилует мя недостойного.

Преподобне отче наш Спиридоне, моли Бога о мне грешнем, да простит моя согрешения.

Преподобне отче наш Сисое, моли Бога о мне грешнем да спасуся твоими молитвами.

Преподобне отче наш Феофиле, моли Бога о мне грешнем.

Преподобне отче наш Арефо, моли Бога о мне грешнем.

Преподобне отче наш Алипие, моли Бога о мне грешнем, да обновятся во мне зраки Его образа.

Преподобне отче наш Онисифоре, моли Бога о мне грешнем.

Святителю отче наш Симоне, моли Бога о мне грешнем, да буду вписан в книгу вечныя жизни.

Преподобне отче наш Никоне, моли Бога о мне грешнем, да помилует мя недостойнаго, и сохранит мя Своею благодатию от всякого прилога диавольскаго.

Преподобне отче наш Феофане, моли Бога о мне грешнем, да дарует ми выну приносити Ему покаяние.

Преподобне отче наш Анастасие, моли Бога о мне грешнем, да помилует мя недостойнаго, и Своею благодатию да покрыет моя согрешения.

Преподобнии отцы наши Дванадесять братий о Христе, молите Бога о мне грешнем, да сотворит мя храмом Своего обиталища и спасет мя недостойнаго.

Преподобне отче наш Аврамие, моли Бога о мне грешнем.

Преподобне отче наш Исаакие, моли Бога о мне грешнем, да сохранит мя от борителя демона, иже присно воюет на душу мою.

Преподобне отче наш Илие, моли Бога о мне грешнем, да помилует и спасет мя, недостойнаго раба Своего.

Святый мучениче, младенче Иоанне, пострадавый за Христа, моли Бога о мне грешнем, да буду и аз причастник Небесныя Славы и Царствия.

Преподобне отче наш Никоне, моли Бога о мне гpeшнем, да дарует ми благодать терпеливо переносити злострадания, от мира сего находящия.

Святителю отче наш Ефреме, выну поминай мя пред Богом, да помилует и спасет мя недостойнаго, и введет мя во ограду избраннаго Своею стада.

Преподобне отче наш Тите, моли Бога о мне грешнем, да даст ми благодать во еже не гневатися ми ни на когоже, но с любовию прощати обидевших мя.

Преподобнии и богоноснии отцы наши Печерстии (зде почивающии), помяните мя пред Господем, яко аз усердно к вам прибегаю, скорым помощником и молитвенником о душе моей, да и аз купно с вами и со всеми святыми сподоблюся получнти часть во Царствии Небеснем.

Преподобне отче наш Пафнутие, моли Бога о мне грешнем, да даст ми выну помышляти час смертный и день судный, дабы ми непрестанно плакати о гpecex моих.

Преподобне отче наш Афанасие, моли Бога о мне грешнем.

Преподобне отче наш Дионисие, моли Бога о мне грешнем.

Святителю отче наш Феофиле, моли Бога о мне грешнем, да спасуся твоими молитвами.

Преподобне отче наш Зиноне, моли Бога о мне грешнем, да помилует мя недостойнаго.

Преподобне отче наш Григорие, моли Бога о мне грешнем, да дарует ми выну неленостно бодрствовати духом и телом во спасение души моей.

Преподобне отче наш Ипатие, сотвори мя твоими пред Богом молитвами здрава духом (и телом), и испроси ми у Бога отпущения множества грехов моих.

Преподобне отче наш священномучениче Лукиане, моли Бога о мне грешнем, да твоими молитвами получу Царствие Небесное.

Преподобне отче наш Феодоре, презревый мир, и яже в мире, моли Бога о мне грешнем, да помилует мя недостойнаго.

Преподобне отче наш Мартирие, моли Бога о мне грешнем, да спасуся твоими молитвами.

Преподобне отче наш Иларионе, образе смирения и чистоты, моли Бога о мне грешнем, да буду и аз подражати, твоему житию.

Преподобне отче наш Лаврентие, моли Бога о мне грешнем, и буди мне заступник пред Богом во вся дни живота моего.

Преподобне отче наш Моисее, не остави мене твоими молитвами пред Богом во еже спастися ми.

Преподобне отче наш Иосифе, моли милостиваго Богa о мне грешнем, да получу от Него милость в день испытания всех человек.

Преподобне отче наш Павле, моли Бога о мне грешнем, да спасет мя твоими молитвами.

Преподобне отче наш Сисое, моли Бога о мне грешнем, да твоими молитвами помилует и спасет мя недостойнаго и избавит мя от наваждения диавольскаго.

Святый отроче Леонтие, моли Бога о мне грешнем.

Святый отроче Геронтие, моли Бога о мне грешнем.

Преподобне отче наш Несторе, моли Бога о мне гpeшнем, да спасуся твоими молитвами.

Преподобне отче наш Памво, моли Бога о мне грешнем.

Преподобне отче наш Феодоре, моли Бога о мне гpeшнем, да дарует ми благодать во еже не согрешати ми языком моим.

Преподобне отче наш Софроние, моли Бога о мне грeшнем.

Преподобне отче наш Панкратие, моли Бога о мне грeшнем.

Преподобне отче наш Анатолие, моли Бога о мне грeшнем.

Преподобне отче наш Мардарие, моли Бога о мне грeшнем.

Преподобне отче наш Аммоне, моли Бога о мне грeшнем.

Преподобне отче наш Пиоре, моли Бога о мне грешнем.

Преподобне отче наш Мартирие, моли Бога о мне грeшнем.

Преподобне отче наш Руфе, моли Бога о мне грешнем.

Преподобная мати Евфросиние, моли Бога о мне грешнем, да помилует и спасет мя недостойного.

Преподобне отче наш Кассиане, моли Бога о мне грeшнем.

Преподобне отче наш Арсение, моли Бога о мне грешнем, да возлюблю и аз трудолюбие и подвиг духовный, якоже возлюбил еси иногда ты.

Преподобне отче наш Евфимие, моли Бога о мне грешнем да спасуся твоими молитвами.

Преподобне отче наш Вениамине, моли Бога о мне грешнем, да презрю и аз вся красная мира сего, и Единаго Его, Творца и Создателя моего, возлюблю.

Преподобне отче наш Тите, моли Бога о мне грешнем, да поможет ми братися со врагом моего спасения — диаволом.

Преподобне отче наш Ахило, помози ми твоими молитвами пред Богом подвизатися во всякой правде и истине.

Преподобнии отцы наши Паисие и Меркурие, молите Бога о мне грешнем, да поможет и мне жити со всеми ближними моими в мире, любви и согласии.

Преподобне отче наш Макарие, моли Бога о мне грешнем, да помилует мя окаянного.

Преподобне отче наш Пимене, моли Бога о мне грешнем, да дарует ми выну приносити Ему покаяние во гресех моих.

Преподобне отче наш Силуане, моли Бога о мне грешнем, да твоими молитвами избавлюся от сетей вражиих.

Преподобне отче наш Агафоне, моли Бога о мне грешнем, да спасуся твоими молитвами.

Преподобне отче наш Игнатие, моли Бога о мне грешнем, да сподоблюся получити Царствие Небесное.

Пресвятая и Преблагословенная Богородице Дево Марие, Пренепорочная Мати Христа Бога нашего, Заступнице рода христианскаго, нe остави мя грешнаго Твоими всесильными молитвами пред Богом, во еже спастися ми и получити Царствие Небесное.

Преподобне отче наш Феодосие, моли Бога о мне грешнем, да твоими молитвами дарует ми благодать, во еже жити ми на земли во всякой правде и истине, и сих ради по кончине моей сподобит мя внити в небесный чертог нескончаемаго блаженства.

Святии Мироточцы, молите Бога о мне грешнем, да спасуся вашими молитвами и сохранюся от всякаго зла.

Святый мучениче Младенче, моли Бога о мне грешнем.

Преподобне отче наш Логгине, моли милостиваго Бога, да отверзет ми двери Своею милосердия, и да введет мя в чертог нескончаемаго блаженства.

Молитва, глаголемая при выходе из пещер

Преподобнии и богоноснии отцы наши Печерстии (зде телесы вашими на ложах почивающии), молитвенницы о всем мире преславнии, молите Бога о мне грешнем, да сохранит мя Своею благодатию, и да просветит помраченный грехми ум мой светом божественного познания, и по кончине моей да сподобит мя Царствия Своего Небеснаго.

Молитвы всем преподобным Киево-Печерским

Преподобнии и богоноснии отцы наши Антоние и Феодосие, и вси преподобнии Печерстии, светила земная пресветлая, от темных мест пещерных в земли Русской славно просиявшии, и сию многими светозарными ангелонравнаго вашего жития звездами онебесившии, всю же Вселенную высоких добродетелей светлостьми и чудес божественных блистаньми удивившии, и ныне смертным западом плотски на время во гроб зашедше, душами со Христом Солнцем Правды, суще праведницы просвещаетеся, яко солнце во Царствии Небеснем: идеже молитвенная ваша к Богу Свету лучи о Отечестве своем простирающе, не забудите и нас, всегдашния своя молитвенники, в нощи страстей и скорбей пребывающия, свыше благодатными призирати осиянии; яко да во свете добродетельнаго вашего жития право ходяще, сподобимся зрети свет неприкосновенныя славы Божия, хваляще Его купно с вами в нескончаемыя веки. Аминь.

О угодницы Христовы, преподобнии отцы наши Антоние и Феодосие и вси святии Киево-Печерстии, светильницы пресветлые, святостию иноческаго жития первые просиявшие на земле Российстей, покровители града Киева и всего отечества нашего! К вам, молитвенникам теплым и предстателям непостыдным, усердно притекаем, в нуждах и скорбях наших утешения и помощи просяще. Помозите нам, рабам Божиим (имена), заступницы наши! Утвердите нас в вере святей, сохраните Церковь Божию от пагубных ересей и расколов, научите нас всегда творити заповеди Божия и вся предания церковная, от отец нам заповеданная, будите нам благосердые отцы и теплые молитвенницы, яко да прославим имя Живоначальныя Троицы, Отца и Сына и Святаго Духа во веки. Аминь.

протоиерея Александра Головина порталу TUT.BY на тему экстракорпорального оплодотворения (ЭКО) и отношения к этому методу Православной Церкви.

Евангельские чтения дня

Приход во имя святителя Лаврентия, епископа Туровского, чудотворца, Минской епархии Белорусского экзархата Русской Православной Церкви

Настоятель храма: протоиерей Александр Викторович Головин.

28 февраля. Апостола от 70-ти Онисима. Преподобного Евсевия, пустынника Сирийского.

Неделя о блудном сыне. Глас 6-й.

Прп. Пафнутия, затворника Печерского, в Дальних пещерах (XIII). Прп. Пафнутия и дщери его Евфросинии (V). Прп. Евсевия, пустынника Сирийского (V).

Сщмчч. Михаила Пятаева и Иоанна Куминова пресвитеров (1930); сщмчч. Николая Морковина, Алексия Никитского, Алексия Смирнова пресвитеров, Симеона Кулямина диакона, прмч. Павла Козлова и прмц. Софии Селиверстовой (1938).

Виленской (перенесение в Вильно в 1495 г.) и Далматской (1646) икон Божией Матери.

Оте́ческия сла́вы Твоея́ удали́хся безу́мно,/ в злых расточи́в е́же ми пре́дал еси́ бога́тство./ Те́мже Ти блу́днаго глас приношу́:/ согреши́х пред Тобо́ю, О́тче Ще́дрый,/ приими́ мя ка́ющася// и сотвори́ мя я́ко еди́наго от нае́мник Твои́х.

Апостол от 70-ти Онисим в молодости был рабом Филимона, христианина знатного рода, жившего в городе Колоссах Фригийской области. Провинившись в чем-то перед своим господином и боясь наказания, святой Онисим бежал в Рим, но там, как беглый раб, попал в тюрьму. В тюрьме он встретился с апостолом Павлом, содержавшимся в узах, был просвещен им и принял святое Крещение. В тюрьме святой Онисим как сын служил апостолу Павлу. Апостол Павел, лично знавший святого Филимона, написал ему письмо, полное любви, прося простить беглого раба и принять его как брата; с этим письмом он отправил святого Онисима к его хозяину, лишив самого себя помощи, в которой очень нуждался.

Преподобный Евсевий пустынник жил в IV веке и подвизался на горе близ селения Асиха в Сирии. Он проводил весьма суровую жизнь, находясь всегда под открытым небом и терпеливо перенося летний зной и зимний холод; одежду преподобный носил кожаную, питался моченым горохом и бобами. Будучи уже немощным старцем, во всю Великую Четыредесятницу ел всего 15 смокв. Когда к преподобному Евсевию стало стекаться много народа, он пришел в ближний монастырь, устроил у монастырской стены небольшую ограду и в ней пребывал до смерти. Преподобный Евсевий дожил до глубокой старости, скончавшись в возрасте 90 лет, после 400 года.

Прп. Пафнутий Александрийский был глубоко верующим, благочестивым христианином. Его супруга умерла рано, и Пафнутий один воспитывал своего единственного ребенка – преп. Евфросинию.

Пафнутий Печерский (XII в.), затворник, преподобный.

Память 15 февраля, в Соборе преподобных отцев Киево-Печерских Дальних Пещер (28 августа) и в Соборе всех преподобных отцов Киево-Печерских.

Мощи его покоятся в Феодосиевых пещерах.

В первой половине XVII-го столетия дворянин Димитрий Иванов Мокринский, житель г. Тобольска, удалился в Невьянский монастырь (Тобольская епархия), где и принял иночество с именем Далмата. Так как инок отличался добродетельной жизнью и был подвижником, братия Невьянского монастыря пожелала избрать его своим игуменом. Но смиренный Далмат, избегая этого высокого и ответственного сана, удалился из обители, взяв с собой икону Успения Богоматери. В 1644-м году он прибыл в Пермскую губернию и здесь поселился в пещере во владениях Тюменского татарина Илигея.

Молитва преподобному Ипатию Печерскому, целебнику.

Молитва преподобному Ипатию Печерскому

О священная главо, преподобне отче, преблаженне авво Ипатие, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.

Преподобне отче Ипатие! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Тропарь преподобному Ипатию Печерскому

Тропарь преподобному, глас 1

Безначальнаго онаго и тихаго места, идеже несть печали, ни воздыхания, достигнути, преподобне, желая, не дал еси себе зде покоя нимало, но присно день и нощь в делах всяких и жестоком житии трудолюбно подвизающися, пребываеши, тем желаемаго получил уже, Ипатие, молися о душах наших.

Кондак преподобному, глас 2

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Ипатие, моли непрестанно о всех нас.

Ублажаем тя, преподобне отче Ипатие, и чтем святую память твою, наставниче монахов и собеседниче Ангелов.

Преподобный Ипатий Печерский, целебник.

О преподобном Ипатии Печерском, целебнике сегодня известно немного. Но за несколькими предложениями жития святого стоит жизнь, полная самоотверженного служения больным, строгого подвижничества и любви к Богу.

Подвизался Преподобный Ипатий в XIV веке. Это было время после того, как в 1240 году после нашествия полчищ Батыя, хана Золотой Орды, по словам Н. М. Карамзина, Киев исчез на века, так как эта, некогда очень знаменитая столица, являющаяся матерью городов Российских, в XIV и XV веках представляла собой развалины.

Не миновали жестокие разрушения и Киево-Печерскую обитель. Не пощадили дикие орды завоевателей ничего: ни стен монастыря, ни храма Пресвятой Богородицы Печерской, ни самих людей: одних из них убили, других увели в плен. Монастырь с каменными стенами и всеми украшениями был до основания разрушен. Но свет, воссиявший на Киевских горах, о котором пророчествовал сам святой Андрей Первозванный, погасить было уже нельзя. Как отмечал Иннокентий Гизель, хоть от злочестивого Батыя и святая Печерская обитель пришла в конечное разорение, и храм Успения Пресвятой Богородицы – небу подобный – пребывала в запустении многие года, но в некотором приделе, который уцелел от поганых, продолжались втайне совершаться Божественные службы, черноризцы же скитались по лесам и вертепам.

Именно в это сложное время подвизался в Киево-Печерской обители прп. Ипатий Целебник. Прославился он в подвиге молитвенного бдения и сурового постничества. Питался он лишь хлебом и водой, спал мало, ночи проводил в молитве. Днем же усердно служил отцам в их болезнях, ухаживая за ними. За жизнь, всецело посвященную служению больным, Преподобный Ипатий получил от Господа дар исцелений. Прибегая к помощи святого Ипатия, его молитвенному заступничеству, получали исцеление страдавшие от различных недугов. Слова прп. Пимена Многоболезненного исполнились на нем. А говорил он о равной награде, которую будут иметь сам болящий и ему служащий.

Память святого празднуется 13 апреля, во 2-ю неделю Великого поста и 28 августа.

К молитвенному заступничеству святого часто прибегают страждущие различными недугами. По вере и молитвам святого Ипатия к Господу происходит много чудесных исцелений. В молитве святому целебнику Ипатию Печерскому верующие просят о том, чтобы он поминал их в своих святых молитвах к Богу, так как имеет дерзновение к Небесному Царю, высказывают веру в то, что он, хоть и преставился от нас телом, но и по смерти остается жив, а святая его душа у престола Вседержителева предстоит. Просят также, чтобы молился святой о пользе душ Всесильному Богу, об утверждении во благих делах, об исцелении больных и о том, чтобы все православные христиане чудесами исполненния исповедовали его как своего заступника.

Нетленные мощи святого целебника Ипатия почивают в Феодосиевых пещерах Киево-Печерской Лавры.

Популярные молитвы:

Молитвы царевичу Димитрию Угличскому и Московскому

Молитва святой мученице Агреппине

Молитвы святой великомученице Екатерине

Молитва святой преподобной Мелании Римляныне

Молитва преподобному Иакову Железноборскому

Молитва преподобному Сампсону, священнику и целителю, странноприимцу

Молитва первоверховному апостолу Павлу

Молитвы Великомученику Иоанну Новому, Сочавскому

Молитва преподобному Афанасию Афонскому

Молитвы святителю Иоанну Златоустому, архиепископу Константина града

Молитва святой преподобной Марии Египетской

Молитвы преподобному Макарию Великому, Египетскому

Молитва преподобному Иосифу Волоцкому

Молитва Преподобному Григорию, иконописцу Печорскому

Православные информеры для сайтов и блогов

Все молитвы .