Молитва святому никифору

Религиозное чтение: молитва святому никифору в помощь нашим читателям.

Канон святителю Никифору, патриарху Константинопольскому

Припев: Святи́телю о́тче Ники́форе, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 26 марта (13 марта ст. ст.); 15 июня (02 июня ст. ст.)

Ирмо́с: Гряди́те, лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты Еги́петския, я́ко просла́вися.

Грехо́в гро́бом лю́те содержи́ма мя́ безсме́ртным манове́нием Твои́м и благоутро́бною Твое́ю возста́ви дла́нию и оживи́, Ще́дре, я́ко всеси́лен.

Ро́дная доброде́телей соверше́нства четвероча́стно стяжа́в и, я́ко на колесни́цу, вше́д, богоно́се, в коне́ц боговиде́ния взя́лся еси́ от дея́ния.

Ты́, жи́зни нетле́нныя вкуси́в, от ча́ши, преподо́бне, боже́ственныя пи́л еси́ тре́звенное пи́во, те́м и му́дрости прия́телище бы́л еси́.

Отгна́н бы́в престо́ла, и сла́вы, и па́ствы твоея́ руко́ю ну́жною, преподо́бне, е́реси яротле́нных звере́й, ны́не к твое́й огра́де вше́л еси́.

Богоро́дичен: О́тчее Сло́во сло́вом зачала́ еси́, и па́че сло́ва родила́ еси́, и по рождестве́ па́че естества́ и сло́ва Де́ва, я́ко пре́жде рождества́, па́ки пребыла́ еси́.

Ирмо́с: Утверди́ на́с в Тебе́, Го́споди, дре́вом умерщвле́й гре́х, и стра́х Тво́й всади́ в сердца́ на́с, пою́щих Тя́.

Ору́жием Креста́ защити́вся, Боже́ственное воображе́ние Влады́ки напису́я, покланя́ешися благоче́стно, оте́ческим после́дуя уче́нием.

Па́ства, па́стыря тя́ жела́ющи, ту́ю по и́мени зову́щаго и во́лки отгоня́ща жезло́м ве́ры, к тебе́ притека́ет, му́дре.

Я́коже дре́вле Ио́сифа боже́ственнаго целому́дреннаго те́ло Изра́иль прено́сит, та́ко ны́не Це́рковь Христо́ва ра́ку моще́й твои́х почита́ет.

Богоро́дичен: Хра́м и свяще́нное жили́ще Сло́ва су́щи, Богоро́дице, прегреше́ний очище́ние, Пресвята́я, бу́ди ми́, Присноде́во.

Седа́лен, гла́с 3.

Побе́дами венча́л еси́ Це́рковь, пре́лесть отгна́в злосла́вия, победоно́сец су́що бы́в, и освяща́еши ми́ра концы́ пренесе́нием святы́х моще́й твои́х, о́тче преподо́бне, Христа́ Бо́га моли́ дарова́ти на́м ве́лию ми́лость.

Сла́ва, и ны́не, богоро́дичен: Боже́ственная ски́ния была́ еси́ Сло́ва, еди́на Пречи́стая Ма́ти Де́во, чистото́ю а́нгелы превозше́дшая, па́че все́х мене́ пе́рсть бы́вша, оскверне́на плотски́ми прегреше́ньми, очи́сти моли́тв Твои́х боже́ственными вода́ми, подаю́щи, Чи́стая, ве́лию ми́лость.

Крестобогоро́дичен: Нескве́рная А́гница, Сло́ва нетле́нная Де́ва Ма́ти, на Кресте́ зря́щи пове́шена из Нея́ без боле́зни прозя́бшаго, ма́терски подо́бно рыда́ющи, вопия́ше: увы́ Мне́, Ча́до Мое́, ка́ко стра́ждеши во́лею, хотя́ изба́вити от страсте́й безче́стия челове́ка?

Ирмо́с: Услы́шах, Го́споди, сла́вное Твое́ смотре́ние и просла́вих, Человеколю́бче, непостижи́мую Твою́ си́лу.

Киво́т свяще́ния, из него́же исто́чник исцеле́ний почерпа́ем, ра́ка твоя́ бы́сть чту́щим тя́.

Е́реси отгна́л еси́ и па́ствы огра́ду утверди́л еси́, уче́нии боже́ственными огради́в.

По до́лгу почита́ем твои́х моще́й, блаже́нне, мирополо́жницу, я́ко жи́зни точа́щую благово́ние ве́рным.

Богоро́дичен: Мы́сленный Тя́ ра́й, я́ко жи́зни дре́во прие́мшую, во чре́ве, Де́во, Христа́, те́м, Тя́ чту́ще, прославля́ем.

Ирмо́с: Све́та Пода́телю и веко́в Тво́рче, Го́споди, во све́те Твои́х повеле́ний наста́ви на́с: ра́зве бо Тебе́, ино́го Бо́га не зна́ем.

Врази́ посрамля́ются, ересенача́льницы с ни́ми неи́стовятся, твою́ ра́ку зря́ще, богому́дре, ве́рне почита́емую от царя́ и всея́ па́ствы твоея́.

Свяще́нная твоя́ ра́ка де́монов лука́выя ду́хи, я́коже стра́шный би́чь, отгоня́ет и побе́ду на ты́я, Ники́форе, сла́вы Боже́ственныя от Бо́га прие́млет.

Со́вести горни́ло, огне́м ду́ха воспале́но, я́ко зла́то, ве́рою тя́ показа́ све́тло, ерети́чествующих облича́я ме́рзость.

Богоро́дичен: Украси́вшися, Чи́стая, наи́тием Пресвята́го Ду́ха, Бо́га сосце́ма дои́ши и Сего́ держи́ши объя́тии, всю́ тва́рь дла́нию содержа́щаго.

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́.

За ве́ру стра́сти претерпе́л еси́, оте́ческих ра́ди честны́х преда́ний изгна́ния поне́сл еси́, и́миже сла́ву стяжа́л еси́ пречестну́ю.

Тверда́ ве́ра твоя́ и противле́ние мучи́телей безу́мие поколеба́, сто́лп же о́гнен бы́л еси́ честне́й Це́ркви, блаже́нне.

Я́ко све́тлых би́сер и ка́мения, му́дре, па́че светле́йши, ра́ку и пе́рсть Це́рковь твоя́ иму́щи, правосла́вия венце́м удобря́ется.

Богоро́дичен: Неизрече́нный о́браз рождества́ Твоего́ язы́цы земноро́дных и а́нгелов честву́ют, Тя́, тва́рей, Влады́чице, вы́шшую все́х, сла́вяще.

Конда́к, гла́с 1.

Ли́к патриа́ршеский святу́ю твою́ па́мять хвала́ми и пе́сньми, Ники́форе, честву́ет, в преложе́нии бо прия́т ду́шу твою́, сла́вне. Те́м дне́сь честна́я Це́рковь, велича́ющи Христа́ Царя́, сла́вит Еди́наго Человеколю́бца.

Ирмо́с: О́бразу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми, поя́ху: благослове́н еси́, Бо́же оте́ц на́ших.

Боже́ственною си́лою нетле́нны соблюдо́шася погреба́тельныя ри́зы, и ко́сти твоя́ Боже́ственным манове́нием сопряже́ния не отреши́шася, блаже́нне, нечи́стых духо́в разсыпа́ют злоу́мие. Мы́ же вопие́м: благослове́н еси́, Бо́же оте́ц на́ших.

Стека́ются лю́дие, ца́рь же благочести́вый и сано́вных мно́жество, и, возло́жше сла́вную твою́ ра́ку на вы́ях, богоприя́тне, я́коже киво́т пресвя́т, дорино́сят и пою́т: благослове́н еси́, Бо́же оте́ц на́ших.

Боже́ственный хра́м Сло́ва ученико́в да прии́мет ве́рно, апо́столов собесе́дника и му́чеников сожи́теля, патриа́рхов степе́нь и отце́в соседа́теля, благослове́н еси́, — вопия́, — Бо́же оте́ц на́ших.

Богоро́дичен: Зря́ Моисе́й купину́ неопали́му, пре́жде горя́щу огне́м в Сина́и, Ма́ти Пречи́стая, прообразу́ющу ложесна́ Твоя́: О́гнь бо заче́нши Боже́ственный, не опали́лася еси́, но родила́ еси́ све́та Соде́теля, Бо́га и Челове́ка.

Ирмо́с: В пе́щь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся́ ве́ки.

В приста́нище жи́зни от мно́гих треволне́ний дости́гл еси́, о́тче, Ду́ха ве́тром, и бре́мя до́брое немо́кренною ного́ю твое́ю спа́сл еси́, и ны́не наслажда́ешися та́мошния тишины́.

Гро́б ви́дяще, ве́рнии, в но́вый же́ртвенник прия́т, в не́мже боже́ственная соверша́ются всесожже́ния ве́рно и вну́трь мертвеца́ свяще́ннейшаго, Чудоде́теля и Бо́га превозно́сим.

Ра́дуется ста́до све́тло, пра́зднует мона́хов све́тлый ли́к, и ве́рных царе́й благочести́вая порфи́ра, и вся́кое си́льных торжество́ в честно́м моще́й твои́х пренесе́нии.

Богоро́дичен: Сло́вом Сло́во во утро́бе, вся́ческая сло́вом соста́вльшаго, заче́нши безсе́менно, Богороди́тельнице, Чи́стая Де́во, па́че сло́ва родила́ еси́. Его́же превозно́сим во вся́ ве́ки.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

О твое́м торжестве́ и боле́знех твои́х, о́тче, а́нгельская сликовству́ют мно́жества, Пресвята́го Го́спода благода́рственно сла́вяще, и ми́р свы́ше на́м испроша́ют, ве́рно чту́щим твоя́ мо́щи.

Моще́й твои́х благода́ть я́ко че́стно врачевство́ да бу́дет не́мощем на́шим, и моли́тва, всехва́льне, очисти́лище все́м, и к Бо́гу пу́ть и во́ждь ве́рою и любо́вию чту́щим тя́, блаже́нне.

Победи́тельными всеору́жии ве́рныя защити́в, Всецарю́, руко́ю Твое́ю ве́рныя на ва́рвары укрепи́, и Твою́ Це́рковь, я́ко тве́рдое основа́ние ве́рных, преподо́бнаго моли́твами правосла́вящую, сохрани́.

Богоро́дичен: Я́ко кре́пкое предста́тельство, я́ко наде́жду, и сте́ну, анки́ру, и покро́в тве́рд, и необори́мое утвержде́ние, и небу́рное приста́нище, и еди́но прибе́жище, Чи́стая, стяжа́вше Тя́ вси́, спаса́емся, Всепе́тая.

І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ.

Грѣхѡ́въ гро́бомъ лю́тѣ содержи́ма мѧ̀, безсме́ртнымъ манове́нїемъ твои́мъ и҆ благоꙋтро́бною твое́ю возста́ви дла́нїю, и҆ ѡ҆живѝ, ще́дре, ꙗ҆́кѡ всеси́ленъ.

Рѡ́днаѧ добродѣ́телей совершє́нства четвероча́стнѡ стѧжа́въ, и҆ ꙗ҆́кѡ на колесни́цꙋ вше́дъ, бг҃оно́се, въ коне́цъ бг҃овидѣ́нїѧ взѧ́лсѧ є҆сѝ ѿ дѣѧ́нїѧ.

Ты̀ жи́зни нетлѣ́нныѧ вкꙋси́въ, ѿ ча́ши, преподо́бне, бжⷭ҇твенныѧ пи́лъ є҆сѝ тре́звенное пи́во: тѣ́мъ и҆ мꙋ́дрости прїѧ́телище бы́лъ є҆сѝ.

Ѿгна́нъ бы́въ прⷭ҇то́ла и҆ сла́вы, и҆ па́ствы твоеѧ̀, рꙋко́ю нꙋ́ждною, преподо́бне, є҆́реси ꙗ҆ротлѣ́нныхъ ѕвѣре́й, ны́нѣ къ твое́й ѡ҆гра́дѣ вше́лъ є҆сѝ.

Бг҃оро́диченъ: Ѻ҆́ч҃ее сло́во сло́вомъ зачала̀ є҆сѝ, и҆ па́че сло́ва родила̀ є҆сѝ, и҆ по рождествѣ̀ па́че є҆стества̀ и҆ сло́ва, дв҃а ꙗ҆́кѡ пре́жде рождества̀ па́ки пребыла̀ є҆сѝ.

І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ, пою́щихъ тѧ̀.

Ѻ҆рꙋ́жїемъ крⷭ҇та̀ защити́всѧ, бжⷭ҇твенное воѡбраже́нїе влⷣки написꙋ́ѧ, покланѧ́ешисѧ благоче́стнѡ, ѻ҆те́чєскимъ послѣ́дꙋѧ ᲂу҆че́нїємъ.

Па́ства па́стырѧ тѧ̀ жела́ющи, тꙋ́ю по и҆́мени зовꙋ́щаго, и҆ во́лки ѿгонѧ́ща жезло́мъ вѣ́ры, къ тебѣ̀ притека́етъ, мꙋ́дре.

Ꙗ҆́коже дре́вле і҆ѡ́сифа бжⷭ҇твеннагѡ цѣломꙋ́дреннагѡ тѣ́ло і҆и҃ль прино́ситъ: та́кѡ ны́нѣ цр҃ковь хрⷭ҇то́ва ра́кꙋ моще́й твои́хъ почита́етъ.

Бг҃оро́диченъ: Хра́мъ и҆ свѧще́нное жили́ще сло́ва сꙋ́щи, бцⷣе, прегрѣше́нїй ѡ҆чище́нїе, прест҃а́ѧ, бꙋ́ди мѝ, приснодв҃о.

Сѣда́ленъ, гла́съ г҃.

Побѣ́дами вѣнча́лъ є҆сѝ цр҃ковь, пре́лесть ѿгна́въ ѕлосла́вїѧ, побѣдоно́сецъ сꙋ́щѡ бы́въ: и҆ ѡ҆свѧща́еши мі́ра концы̀ пренесе́нїемъ ст҃ы́хъ моще́й твои́хъ, ѻ҆́ч҃е преподо́бне, хрⷭ҇та̀ бг҃а молѝ дарова́ти на́мъ ве́лїю ми́лость.

Сла́ва, и҆ ны́нѣ, бг҃оро́диченъ: Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость.

Крⷭ҇тобг҃оро́диченъ: Нескве́рнаѧ а҆́гница, сло́ва нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆зъ неѧ̀ безъ болѣ́зни прозѧ́бшаго, ма́терски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;

І҆рмо́съ: Оу҆слы́шахъ, гдⷭ҇и, сла́вное твоѐ смотре́нїе, и҆ просла́вихъ, человѣколю́бче, непостижи́мꙋю твою̀ си́лꙋ.

Кївѡ́тъ свѧще́нїѧ, и҆зъ негѡ́же и҆сто́чникъ и҆сцѣле́нїй почерпа́емъ, ра́ка твоѧ̀ бы́сть чтꙋ́щымъ тѧ̀.

Є҆́рєси ѿгна́лъ є҆сѝ, и҆ па́ствы ѡ҆гра́дꙋ ᲂу҆тверди́лъ є҆сѝ, ᲂу҆чє́нїи бжⷭ҇твенными ѡ҆гради́въ.

По до́лгꙋ почита́емъ твои́хъ моще́й, блаже́нне, мѷрополо́жницꙋ, ꙗ҆́кѡ жи́зни точа́щꙋю благово́нїе вѣ̑рнымъ.

Бг҃оро́диченъ: Мы́сленный тѧ̀ ра́й, ꙗ҆́кѡ жи́зни дре́во прїе́мшꙋю, во чре́вѣ, дв҃о, хрⷭ҇та̀: тѣ́мъ тѧ̀ чтꙋ́ще прославлѧ́емъ.

І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ.

Вразѝ посрамлѧ́ютсѧ, є҆ресенача̑льницы съ ни́ми неи́стовѧтсѧ, твою̀ ра́кꙋ зрѧ́ще, бг҃омꙋ́дре, вѣ́рнѣ почита́емꙋю ѿ царѧ̀ и҆ всеѧ̀ па́ствы твоеѧ̀.

Свѧще́ннаѧ твоѧ̀ ра́ка де́мѡнѡвъ лꙋка̑выѧ дꙋ́хи, ꙗ҆́коже стра́шный би́чь, ѿгонѧ́етъ, и҆ побѣ́дꙋ на ты́ѧ, нїки́форе, сла́вы бжⷭ҇твенныѧ ѿ бг҃а прїе́млетъ.

Со́вѣсти горни́ло ѻ҆гне́мъ дꙋ́ха воспале́но, ꙗ҆́кѡ зла́то вѣ́рою тѧ̀ показа̀ свѣ́тло, є҆реті́чествꙋющихъ ѡ҆блича́ѧ ме́рзость.

Бг҃оро́диченъ: Оу҆краси́вшисѧ, чⷭ҇таѧ, наи́тїемъ прест҃а́гѡ дх҃а, бг҃а сосце́ма дои́ши, и҆ сего̀ держи́ши ѡ҆б̾ѧ̑тїи, всю̀ тва́рь дла́нїю содержа́щаго.

І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ.

За вѣ́рꙋ стра̑сти претерпѣ́лъ є҆сѝ, ѻ҆ч҃ескихъ ра́ди честны́хъ преда́нїй и҆згна̑нїѧ поне́слъ є҆сѝ, и҆́миже сла́вꙋ стѧжа́лъ є҆сѝ пречестнꙋ́ю.

Тверда̀ вѣ́ра твоѧ̀ и҆ противле́нїе, мꙋчи́телей безꙋ́мїе поколеба̀: сто́лпъ же ѻ҆́гненъ бы́лъ є҆сѝ честнѣ́й це́ркви, блаже́нне.

Ꙗ҆́кѡ свѣ́тлыхъ би́сєръ, и҆ ка́менїѧ, мꙋ́дре, па́че свѣтлѣ́йши, ра́кꙋ и҆ пе́рсть це́рковь твоѧ̀ и҆мꙋ́щи, правосла́вїѧ вѣнце́мъ ᲂу҆добрѧ́етсѧ.

Бг҃оро́диченъ: Неизрече́нный ѻ҆́бразъ рождества̀ твоегѡ̀, ꙗ҆зы́цы земноро́дныхъ и҆ а҆́гг҃лѡвъ чествꙋ́ютъ, тѧ̀ тва́рей, влⷣчце, вы́шшꙋю всѣ́хъ сла́вѧще.

Конда́къ, гла́съ а҃.

Ли́къ патрїа́ршескїй ст҃ꙋ́ю твою̀ па́мѧть хвала́ми и҆ пѣ́сньми, нїки́форе, чествꙋ́етъ: въ преложе́нїи бо прїѧ́тъ дꙋ́шꙋ твою̀, сла́вне. тѣ́мъ дне́сь честна́ѧ цр҃ковь велича́ющи хрⷭ҇та̀ цр҃ѧ̀, сла́витъ є҆ди́наго чл҃вѣколю́бца.

І҆рмо́съ: Ѻ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ.

Бжⷭ҇твенною си́лою нетлѣ̑нны соблюдо́шасѧ погреба́тєльныѧ ри̑зы, и҆ кѡ́сти твоѧ̑ бжⷭ҇твеннымъ манове́нїемъ, сопрѧже́нїѧ не ѿрѣши́шасѧ, блаже́нне, нечи́стыхъ дꙋхѡ́въ разсыпа́ютъ ѕлоꙋ́мїе, мы́ же вопїе́мъ: благослове́нъ є҆сѝ, бж҃е ѻ҆тє́цъ на́шихъ.

Стека́ютсѧ лю́дїе, ца́рь же благочести́вый, и҆ сано́вныхъ мно́жество, и҆ возло́жше сла́внꙋю твою̀ ра́кꙋ на вы́ѧхъ, бг҃опрїѧ́тне, ꙗ҆́коже кївѡ́тъ пресвѧ́тъ дорѷно́сѧтъ, и҆ пою́тъ: благослове́нъ є҆сѝ, бж҃е ѻ҆тє́цъ на́шихъ.

Бжⷭ҇твенный хра́мъ, сло́ва ᲂу҆ч҃никѡ́въ, да прїи́метъ вѣ́рнѡ, а҆пⷭ҇лѡвъ собесѣ́дника, и҆ мꙋ́ченикѡвъ сожи́телѧ, патрїа́рхѡвъ степе́нь, и҆ ѻ҆тцє́въ сосѣда́телѧ: благослове́нъ є҆сѝ, вопїѧ̀, бж҃е ѻ҆тє́цъ на́шихъ.

Бг҃оро́диченъ: Зрѧ̀ мѡѷсе́й кꙋпинꙋ̀ неѡпали́мꙋ, пре́жде горѧ́щꙋ ѻ҆гне́мъ въ сїна́и, мт҃и пречⷭ҇таѧ, проѡбразꙋ́ющꙋ ложєсна̀ твоѧ̑: ѻ҆́гнь бо заче́нши бжⷭ҇твенный, не ѡ҆пали́ласѧ є҆сѝ, но родила̀ є҆сѝ свѣ́та содѣ́телѧ, бг҃а и҆ чл҃вѣ́ка.

І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки.

Въ приста́нище жи́зни ѿ мно́гихъ треволне́нїй дости́глъ є҆сѝ, ѻ҆́ч҃е, дх҃а вѣ́тромъ, и҆ бре́мѧ до́брое немо́кренною ного́ю твое́ю спа́слъ є҆сѝ: и҆ ны́нѣ наслажда́ешисѧ та́мошнїѧ тишины̀.

Гро́бъ ви́дѧще вѣ́рнїи въ но́вый же́ртвенникъ прїѧ́тъ, въ не́мже бжⷭ҇твєннаѧ соверша́ютсѧ всесожжє́нїѧ вѣ́рнѡ, и҆ внꙋ́трь мертвеца̀ свѧще́ннѣйшаго, чꙋдодѣ́телѧ и҆ бг҃а превозно́симъ.

Ра́дꙋетсѧ ста́до свѣ́тлѡ, пра́зднꙋетъ мона́хѡвъ свѣ́тлый ли́къ, и҆ вѣ́рныхъ царе́й благочести́ваѧ порфѵ́ра, и҆ всѧ́кое си́льныхъ торжество̀, въ честно́мъ моще́й твои́хъ пренесе́нїи.

Бг҃оро́диченъ: Сло́вомъ сло́во во ᲂу҆тро́бѣ, всѧ́чєскаѧ сло́вомъ соста́вльшаго, заче́нши безсѣ́меннѡ, бг҃ороди́тельнице, чи́стаѧ дв҃о, па́че сло́ва родила̀ є҆сѝ: є҆го́же превозно́симъ во всѧ̑ вѣ́ки.

І҆рмо́съ: Ѿ бг҃а, бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ.

Ѡ҆ твое́мъ торжествѣ̀ и҆ болѣ́знехъ твои́хъ, ѻ҆́ч҃е, а҆́гг҃льскаѧ сликовствꙋ́ютъ мно́жєства, прест҃а́го гдⷭ҇а благода́рственнѡ сла́вѧще, и҆ ми́ръ свы́ше на́мъ и҆спроша́ютъ, вѣ́рнѡ чтꙋ́щымъ твоѧ̑ мо́щы.

Моще́й твои́хъ благода́ть, ꙗ҆́кѡ че́стно врачевство̀ да бꙋ́детъ не́мощемъ на́шымъ, и҆ моли́тва, всехва́льне, ѡ҆чисти́лище всѣ̑мъ, и҆ къ бг҃ꙋ пꙋ́ть и҆ во́ждь, вѣ́рою и҆ любо́вїю чтꙋ́щымъ тѧ̀, блаже́нне.

Побѣди́тельными всеѻрꙋ̑жїи вѣ̑рныѧ защити́въ, всецр҃ю̀, рꙋко́ю твое́ю вѣ̑рныѧ на ва́рвары ᲂу҆крѣпѝ, и҆ твою̀ цр҃ковь, ꙗ҆́кѡ тве́рдое ѡ҆снова́нїе вѣ́рныхъ, преподо́бнагѡ моли́твами правосла́вѧщꙋю сохранѝ.

Бг҃оро́диченъ: Ꙗ҆́кѡ крѣ́пкое предста́тельство, ꙗ҆́кѡ наде́ждꙋ и҆ стѣ́нꙋ, и҆ а҆гкѵ́рꙋ, и҆ покро́въ тве́рдъ, и҆ неѡбори́мое ᲂу҆твержде́нїе, и҆ небꙋ́рное приста́нище, и҆ є҆ди́но прибѣ́жище, чⷭ҇таѧ, стѧжа́вше тѧ̀ всѝ, спаса́емсѧ, всепѣ́таѧ.

Труды святителя Никифора Константинопольского

Житие святителя Никифора, патриарха Константинопольского

Святитель Никифор Исповедник родился в Константинополе во второй половине VIII века. Глубокая вера и готовность к подвигу исповедничества были заложены в нем его родителями, Феодором и Евдокией. Они дали сыну настоящее христианское воспитание, подкрепленное примером их собственной жизни. Отец его пострадал как исповедник православия от императора-иконоборца Константина Копронима (740–775). Мать, разделявшая все испытания своего мужа, последовала за ним в изгнание, а после его смерти вернулась в Константинополь и окончила жизнь в иночестве. Святой Никифор получил хорошее светское образование, но больше всего изучал Священное Писание и читал духовные книги.

В царствование Льва IV (775–780) святой Никифор получил звание царского советника. Находясь при царском дворе, он продолжал вести строгую, добродетельную жизнь, твердо хранил чистоту православной веры и ревностно защищал почитание святых икон. После смерти Льва IV, в царствование Константина VI (780–797) и его матери святой Ирины, в 787 году в Никее был созван VII Вселенский Собор, осудивший иконоборческую ересь. Глубоко зная Священное Писание, святой Никифор от имени императора выступил на Соборе в защиту православия, чем оказал большую помощь святым отцам Собора.

После Собора святитель Никифор несколько лет оставался при дворе, но полная суеты жизнь всё более и более тяготила святого. Он оставил службу и поселился в уединении, при Босфоре, проводя жизнь в научных трудах, безмолвии, посте и молитве. Святой Никифор построил церковь, основал монастырь и вел строгую иноческую жизнь еще до принятия иноческого пострига.

В царствование императора Никифора I (802–811), после кончины святого патриарха Тарасия (784–806), святой Никифор был избран на его место, принял иноческий постриг и священнический сан и был возведен на патриарший престол 12 апреля 806 года, в день святой Пасхи.

При императоре Льве V Армянине (813–820), яром приверженце иконоборческой ереси, для Церкви вновь начался период смут и гонений. Император не мог сразу начать открытое гонение на православие, поскольку иконоборчество было осуждено VII Вселенским Собором. Святой патриарх продолжал служить в Великой церкви, смело убеждая народ хранить православную веру, и проводил последовательную и неослабную борьбу с ересью. Император начал вызывать из ссылки епископов и клириков, отлученных от Церкви VII Вселенским Собором. Составив из них еретический собор, император потребовал, чтобы патриарх явился для прений о вере. Патриарх отказался рассуждать о вере с еретиками, так как учение иконоборцев уже было предано анафеме VII Вселенским Собором. Он всячески старался образумить императора и его окружение, безбоязненно разъяснял народу учение о почитании святых икон, написал увещания к императрице и градоначальнику Евтихиану, ближайшему к императору сановнику, присоединив в конце пророческое слово о скорой гибели еретиков от “карающей руки Господней”. Тогда еретический собор отлучил от Церкви святого патриарха Никифора и его предшественников – блаженно почивших патриархов Тарасия и Германа. Святой Никифор был сослан сначала в монастырь в Хрисополь, а затем – на остров Проконнис в Мраморном море. После 13 лет лишений и скорбей 2 июня 828 года святой патриарх Никифор скончался в изгнании.

13 марта 847 года нетленные мощи святого патриарха Никифора, пролежавшие в земле 19 лет, с торжеством были перенесены в Константинополь в соборную церковь Святой Софии.

Святитель Никифор был выдающимся церковным деятелем своего времени, “украшением века и кафедры” и, много послужив Церкви, оставил обширное духовное наследие – многочисленные труды исторического, догматического и канонического содержания.