Молитва селигерской иконы божией матери

Молитва селигерской иконы божией матери

Празднование: 20 декабря (н. ст.)

Взбранной Воеводе, Заступнице нашей и Покровительнице, взира́юще на чудотворный образ Твой, похвальное пение воспису́ем Ти, раби Твои, Владычице; Ты же, яко исполненная благодати Божественныя, Сына Твоего о нас умоли́, да со умилением зовем Ти:

Радуйся, Благодатная, радость духовную в сердца́ наша изливающая.

Ангельскими Силами на Небеси немо́лчно воспеваемая, Пречистая Дево, и нас, на земли́ живущих, не оставила еси милостию Твоею, вся потребная для спасения нашего низпосыла́ющи. Темже мы, вернии раби Твои, ко святому образу Твоему притекаем и, яко же Самей Ти, с нами сущей, вопие́м:

Радуйся, Ангелов Царице.

Радуйся, всего мира Владычице.

Радуйся, на Небеси присно сла́вимая.

Радуйся, и на земли́ величаемая.

Радуйся, благодать Твою иконам Твоим даровавшая.

Радуйся, всю вселенную лучами тех озаряющая.

Радуйся, Божия благости скорая Подательнице.

Радуйся, молений наших усердная Послушнице.

Радуйся, Благодатная, радость духовную в сердца́ наша изливающая.

Видящи, Всемилостивая Владычице, чудеса многая, чрез иконы Твоя святыя нам присноявля́емыя, с радостию несказа́нною припадаем к Тебе, Пречистая, и из глубины души́ благодарим Тя, нашу дивную Заступницу, воспевающе Богу: Аллилуиа.

Разум человеческий не может постигнути великаго Твоего милосердия, Преблагая Мати, Ты бо еси необоримая ограда, охраняющая нас от всяких болезней душевных и телесных и заступающая всех притекающих к Тебе с верою. Сего ради, дивное заступление Твое о нас восхваляюще, радостно вопием Ти:

Радуйся, чудеса от икон Твоих источающая.

Радуйся, недуги наша скоро врачующая.

Радуйся, воздыхания наша не отвергающая.

Радуйся, недостойныя молитвы наша приемлющая.

Радуйся, матерния щедроты Твоя нам подающая.

Радуйся, иконами Твоими нам благодеющая.

Радуйся, во обстоя́нии сущим скорую помощь да́рующая.

Радуйся, отчаянным надежду возвращающая.

Радуйся, Благодатная, радость духовную в сердца́ наша изливающая.

Силу благодати Божественныя да́руеши, Пресвятая Дево, всем с верою и любовию Сыну Твоему и Богу нашему служа́щим, вся бо мо́жеши матерним дерзновением у Него нам испроси́ти. Сего ради, благодарни суще Господеви за вся великия милости Его, Тобою нам щедро низпосылаемыя, вопием Ему: Аллилуиа.

Имущи Тя, Мати Божия, Премилосердную Ходатаицу за ны, пред возлюбленным Сыном Твоим о нас непрестанно молящуюся, пред святым образом Твоим умильно вопие́м:

Радуйся, гнев Божий, праведно на ны дви́жимый, утоляющая.

Радуйся, на милость к нам, грешным, Господа преклоняющая.

Радуйся, яко смиренным мольбам рабов Твоих вне́млеши.

Радуйся, яко утешение Твое нам подати поспешаеши.

Радуйся, яко иконою Твоею от всяких нас бед ограждаеши.

Радуйся, яко тою ко́зни вражия разрушаеши.

Радуйся, в час скорби люди Твоя укрепляющая.

Радуйся, тихое и безмятежное житие тем да́рующая.

Радуйся, Благодатная, радость духовную в сердца́ наша изливающая.

Бурею страстей в море житейском потопляемых спасаеши, Преблагословенная Дево, и победу на враги видимыя и невидимыя да́руеши с верою и любовию притекающим ко святей иконе Твоей, да уведят вси, яко Ты еси воистину всесильная христиан Помощница и с радостию воспоют о Тебе Богу: Аллилуиа.

Слышавше разбойницы, зла́та и сребра́ жаждущии, словеса святаго Нила: «Сокровище мое в углу келии пребывает», та́мо иска́ху его, не разумеюще, яко об образе Пречистыя глаголет преподобный; егда́же за дерзость свою зрения лиши́вшеся, тогда сле́зно во гресе́ своем покаяшеся и вку́пе с богоно́сным отце́м возопи́ша Преблагословенней:

Радуйся, обидящих всегрозная Устрашительнице.

Радуйся, обидимых всеблагая Заступнице.

Радуйся, яко заблуждшия на путь правый возвращаеши.

Радуйся, яко от соблазнов су́етных нас ограждаеши.

Радуйся, неразумных премудро вразумляющая.

Радуйся, па́губы вседушевныя низлагающая.

Радуйся, к Царствию Небесному путь невозбранный нам указу́ющая.

Радуйся, мир вечный и радость нам подающая.

Радуйся, Благодатная, радость духовную в сердца́ наша изливающая.

Яко боготечная звезда явися икона Твоя, Пресвятая Дево, преподобным Нилом в пу́стынь на Селиге́рстем е́зере принесенная; сего ради притекающии к Тебе ки́йждо ну́жды своя и потребы пред нею приносят и, скорую помощь от Тебе прие́млюще, радостно вопию́т Сыну Твоему и Богу нашему: Аллилуиа.

Видяще Божественное сокровище – дивную икону Богоматере, пред не́юже усердно молящеся и, в неду́зех исцеление, в скорбех утешение, в напа́стех избавление приемлюще, радостно поем Заступнице нашей:

Радуйся, Мати милосердия.

Радуйся, источниче чудес.

Радуйся, бодрая наша Хранительнице.

Радуйся, обителей и́ноческих покрове.

Радуйся, горе́ к Небесным сокровищем ум наш возводящая.

Радуйся, любовь к Богу в сердцах верных насаждающая.

Радуйся, маловерныя вразумляющая.

Радуйся, неверных смы́слы просвещающая.

Радуйся, Благодатная, радость духовную в сердца́ наша изливающая.

Проповедница неизреченных чудес Твоих, Владычице, яви́ся Нило-Столобенская Пустынь, святою иконою Твоею украшенная, всем бо приходящим в обитель сию и пред чудотворным образом Твоим молящимся милости и щедроты милостиво изливаеши, благодарственно поющим о Тебе Богу: Аллилуиа.

Возсия светом неизреченных чудес пречестная икона Твоя Селигерская, Пресвятая Дево, е́юже исцеления и помощь верным обильно подаеши. Сего ради, таковому промышлению о нас дивя́ся, во умилении зовем Ти:

Радуйся, Купино Неопалимая.

Радуйся, Цвете Неувядаемый.

Радуйся, сокровище неиждиваемое.

Радуйся, стено несокрушимая.

Радуйся, всем уповающим на Тя прибежище.

Радуйся, в скорбех и печалех утешение.

Радуйся, Ты бо еси наше защищение.

Радуйся, Ты бо еси всех благочестивых непрестанное ра́дование.

Радуйся, Благодатная, радость духовную в сердца́ наша изливающая.

Хотя преподобный Нил спасение вечное улучи́ти, икону Твою, Владычице, в келии своей поста́ви, пред не́юже дни и но́щи со умилением моля́шеся, в помощь Тя призываше, яко верную Споручницу пред Сыном Твоим и Богом, Ему́же ныне со Ангелы воспевает: Аллилуиа.

Дивную Хода́таицу за род человеческий даровал еси нам, Господи, Пречистую Матерь Твою, Ея́же всемо́щным покровом невидимо покрываеми, от всяких бед и напа́стей избавляемся, вопию́ще такова́я:

Радуйся, мира го́рняго первейшее украшение.

Радуйся, мира до́льняго благонадежное заступление.

Радуйся, чистотою Твоею род человеческий возвеличившая.

Радуйся, всесвятым рождеством Твоим землю освятившая.

Радуйся, вождей и воинств христианских непобедимая Воеводо.

Радуйся, во бранех крепкая победо.

Радуйся, рабов Твоих нечаянная радосте.

Радуйся, врагов видимых и невидимых грозное посрамление.

Радуйся, Благодатная, радость духовную в сердца́ наша изливающая.

Странствие наше земное, многоско́рбное и многомяте́жное услаждаеши нам, Владычице, и во дни лютых обстояний помощь Твою являеши нам во спасение; о сем у́бо радующеся и благодаряще Тя, вопие́м: Аллилуиа.

Весь мир христианский славит Тя, Преблагословенная Дево Богородице, и всем верным утешительно есть взирати на святую икону Твою, на не́йже зрим Тя, на руку́ Твоею держащую Богомладенца Христа, и, покланяющеся чудотворному образу Твоему, душею и сердцем радуяся, глаголем Ти:

Радуйся, земли нашея забра́ло.

Радуйся, Церкве утверждение.

Радуйся, молитвенников наших похвало́.

Радуйся, людей Твоих спасение.

Радуйся, враги наша устрашающая.

Радуйся, полки́ чужди́х дале́че отгоняющая.

Радуйся, яко Тобою гра́ды и ве́си содержатся.

Радуйся, яко Тобою род христианский хвалится.

Радуйся, Благодатная, радость духовную в сердца́ наша изливающая.

Всякое естество ангельское восхваляет Тя, Богородительнице, у Престола Сына Твоего предстоящую и за вся христианы молящуюся. Мы же, недостойнии, молитв Твоих действо разумева́юще, к чудотворней иконе Твоей с любовию притекаем и Богу прилежно вопие́м: Аллилуиа.

Вити́й земных художество не довле́ет по достоянию благохвали́ти Тя, Пресвятая Дево, и иконы Твоея́ чудеса исчи́слити, и́миже Церковь Православная величается, гра́ды наша утверждаются и вси вернии божественне веселятся. Темже, за премногую любовь Твою к нам и вся милости Твоя, приими́ от нас сие хвалебное пение:

Радуйся, собором святых, в стране нашей просиявших, окружаемая и сла́вимая.

Радуйся, на Небеси и на земли́ величаемая.

Радуйся, хода́тайством Твоим о нас Бога умилостивляющая.

Радуйся, честны́м покровом Твоим нас присно осеняющая.

Радуйся, страны нашея преславная Защитнице.

Радуйся, призывающим Тя скорая Помощнице.

Радуйся, труждающихся благодатное укрепление.

Радуйся, кающихся грешников несумненное спасение.

Радуйся, Благодатная, радость духовную в сердца́ наша изливающая.

Спасительное прибежище в скорбех и напа́стех Ты еси, Пресвятая Дево, те́мже испроси у Сына Твоего и Бога нашего милости нам, грешным, поющим: Аллилуиа.

Стеною несокрушимою бу́ди всем с верою прибегающим к Тебе, Заступнице наша усердная, никто́же бо притека́яй к Тебе тощь и неуслышан отходит. Те́мже и нас под всемо́щный покров Твой приими́, с любовию Тебе взывающих:

Радуйся, Мати Божия, ма́тернюю любовь к нам, грешным, простирающая.

Радуйся, силою Твоею немощь нашу восполняющая.

Радуйся, милосердие Божие разумети нас научающая.

Радуйся, к дело́м милосердия нас возбуждающая.

Радуйся, страх Божий в сердца́ верных влагающая.

Радуйся, грешники к покаянию призывающая.

Радуйся, невниманию нашему долготерпя́щая.

Радуйся, от сна лености нас возставляющая.

Радуйся, Благодатная, радость духовную в сердца́ наша изливающая.

Пение похвальное, от любве и усердия Тебе приносимое, не пре́зри, Пресвятая Владычице, и не отвратися от нас, многими грехми́ Тя преогорчева́ющих, оба́че помози́ нам покаянием очи́ститися от скверны греховныя и преуспе́ти в богоуго́днем житии, да поем о Тебе Творцу и Богу нашему: Аллилуиа.

Светлыми лучами преславных чудес просвещаеши весь мир христианский, Мати Божия, и благодатно озаряеши с верою пред иконою Твоею молящихся, прогоняющи всякое вражие действо силою Божиею, от нея́ исходящею. Темже радуемся, иму́ще таковую благую Заступницу, и благодарственно взываем Ти:

Радуйся, безпо́мощных на Свои всемо́щныя ру́це прие́млющая.

Радуйся, к Сыну Твоему и Богу моления верных принося́щая.

Радуйся, яко в напа́стех нас не оставляеши.

Радуйся, яко путь к вечной жизни нам указу́еши.

Радуйся, под сень крова Твоего притекающих милующая.

Радуйся, мглу греховную от нас отгоняющая.

Радуйся, в час исхода душ наших верная о нас пред Богом Предстательнице.

Радуйся, пред Престолом Сына Божия неотступная за мир Ходатаице.

Радуйся, Благодатная, радость духовную в сердца́ наша изливающая.

Благодать Божественную испроси нам у Сына Твоего, Всеблагая Владычице, с надеждою и упованием прибегающим к чудотворному образу Твоему, не лиши нас богатыя Твоея милости, даруй нам покаяние во гресе́х, да чистым сердцем и устны́ взываем Богу: Аллилуиа.

Поюще Твоя неисче́тныя милости и чудеса и ма́тернее милосердие к роду человеческому, хвалим Тя, Преблагословенная, яко твердую Предстательницу и неусыпную Хранительницу нашу, веруем бо, яко испро́сиши нам вся благая, временная и вечная, вопиющим Ти си́це:

Радуйся, с верою молитвенно призывающих Тя не посрамляющая.

Радуйся, грешных к покаянию приводящая.

Радуйся, спящия совести пробуждающая.

Радуйся, из ро́ва погибельнаго отчаянныя исхищающая.

Радуйся, в день судный наша надеждо и защищение.

Радуйся, от козней вражиих ограждение.

Радуйся, Тобою бо низхо́дит к нам Божие благоволение.

Радуйся, Тобою бо и́мамы вя́щшее к Богу дерзновение.

Радуйся, Благодатная, радость духовную в сердца́ наша изливающая.

О Всепетая Мати Сладчайшаго Господа нашего Иисуса Христа, Всемилостивая Госпоже Дево Богородице! Приими сие малое моление наше, от любящих сердец с умилением Тебе приносимое, и умоли Сына Твоего, да помилует и спасет нас и причастниками жизни вечныя соделает, верно славящих Тя и поющих Ему: Аллилуиа.

Этот кондак читается трижды, затем икос 1 и кондак 1

О Пречистая Владычице Богородице, Царице Небесе и земли, вышшая Ангел и Архангел и всея твари честнейшая, миру Благая Помощнице, всех христиан поможение и утверждение и всем во всяких ну́ждах избавление! Призри ныне, о Всемилостивая Госпоже, на рабы Твоя, умиленною душею и сокрушенным сердцем Тебе молящияся, со слезами к Тебе припа́дающия и пречистому и цельбоносному образу Твоему покланяющияся, Твоея же помощи и заступления в скорбех и напа́стех своих просящия.

Буди за нас Ходатаица к Сыну Твоему, Христу Богу нашему: мы бо, грешнии, не имамы иныя Помощницы разве Тебе, Владычице. Ты еси наша надежда и упование, Ты еси Заступница и Предстательница наша, Ты обидимым защищение, печальным утешение, скорбящим ра́дование, си́рым прибежище, вдовам Хранительница, девам слава, слезящим веселие, больным посещение, немощны́м исцеление, грешным спасение.

Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе с Предвечным на руку Твоею держимым Младенцем, Господем нашим Иисусом Христом, и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть хода́тайству Твоему к Сыну Твоему и Богу нашему, Емуже подобает всякая слава, честь и поклонение, со Безнача́льным Его Отцем и со Присносу́щным Его Духом, ныне и присно и во веки веков. Аминь.

Днесь светло красуется Нило-Столобенская обитель, совершающе празднование чудотворному образу Божия Матере, пред ни́мже мы ныне припа́дающе и моля́щеся, взываем си́це: о Пречудная Владычице Богородице, моли́ся Христу Богу нашему, да избавит обитель сию́ и вся грады и страны христианския невредимы от всех навет вражиих и спасет ду́ши наша, яко Милосерд.

Взбранной Воеводе победительная, яко изба́вльшеся от злых, благодарственная воспису́ем Ти, раби Твои, Богородице, и светло сотворяем празднество чудотворному образу Твоему, с верою и любовию вопию́ще Ти:

Радуйся, Невесто Неневестная.

Селигерская икона Божией Матери

Этот чудотворный образ Пресвятой Богородицы является списком с Владимирской иконы и находится в Нило-Столобенской Пустыни на озере Селигер Тверской епархии. Он был принесен сюда преподобным Нилом в 1528 году и сначала находился в пустынной келии подвижника.

Однажды преподобный находился вне своей келии за работой. В это время на него напали разбойники. Угрожая святому, они требовали от него, чтобы он отдал им свои сокровища. Преподобный же в ответ на все их вымогательства спокойно сказал им: «Сокровище мое находится в углу келии; войдите туда и возьмите его». В углу же находилась икона Богоматери. Разбойники стали искать деньги и ослепли. Тогда в слезах раскаяния стали они молить святого о прощении и прозрели. Преподобный Нил просил их никому не рассказывать о своем дивном обращении на путь добродетельной жизни. И они тогда никому не поведали обо всем случившемся с ними, но после кончины святого Нила они рассказали о явленной к ним милости Божией.

Преподобный Нил преставился в 7 декабря 1554 года, в воспоминание чего в это число и установлено празднование прославившемуся у него образу Богоматери Селигерской, называемой иначе еще Келейной-Владимирской иконой.

По благословению митрополита Херсонского и Таврического Иоанна

Молитва селигерской иконы божией матери

икона БогоМатери «ВЛАДИМИРСКАЯ (СЕЛИГЕРСКАЯ)»

20 декабря (7 декабря по старому стилю)

Эта ВЛАДИМИРСКАЯ икона Божией Матери была келейным образом преподобного Нила Столбенского (память 9 июня и 20 декабря по новому стилю) – основателя Ниловой пустыни в Тверской области. Однажды преподобный находился вне своей кельи за работой. В это время на него напали разбойники. Угрожая святому, они требовали от него, чтобы он отдал им свои сокровища. Преподобный же им сказал: «Сокровище моё находится в углу кельи; войдите туда и возьмите его». Грабители ринулись в келью, где в углу находилась икона Богородицы.

Лишь только разбойники подошли к иконе Владимирской Божьей Матери, то все тут же были поражены слепотой. Со слезами они стали умолять Нила о прощении. Преподобный помолился Господу о заблудших и раскаявшихся преступниках, и все они прозрели. Затем святой Нил долго ещё поучал их в своей келье о душевном спасении, убеждая оставить навсегда порочное дело и вернуться к спокойной и трудолюбивой жизни, и разбойники дали слово никогда не возвращаться к своему прежнему занятию.

Чтобы избежать излишнего людского внимания, преподобный Нил попросил своих подопечных никому не рассказывать о своём дивном обращении на путь добродетельной жизни. Бывшие разбойники много лет хранили в тайне эту историю, рассказав о ней лишь после кончины святого Нила. Преподобный Нил преставился 7 декабря 1554 года, в воспоминание чего в это число и установлено празднование прославившейся у него Селигерской иконе Пресвятой Богородицы. Поскольку икона Божьей Матери находилась в келье преподобного Нила, то ещё одно её название – «Келейная» Владимирская икона БогоМатери.

Также читайте у нас на сайте:

Иконы Божьей Матери – Информация о видах иконописи, описания большинства икон Божией Матери.

Жития Святых – Раздел посвященный Житиям Православных Святых.

Начинающему христианину – Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Литература – Собрание некоторой Православной литературы.

Православие и оккультизм – Взгляд Православия на гадания, экстрасенсорику, сглаз , порчу , йогу и подобные “духовные” практики.

Плейкаст «икона БогоМатери «ВЛАДИМИРСКАЯ (СЕЛИГЕРСКАЯ)»»

0 535 0 3

20 декабря (7 декабря по старому стилю)

Эта ВЛАДИМИРСКАЯ икона Божией Матери была келейным образом преподобного Нила Столбенского (память 9 июня и 20 декабря по новому стилю) – основателя Ниловой пустыни в Тверской области. Однажды преподобный находился вне своей кельи за работой. В это время на него напали разбойники. Угрожая святому, они требовали от него, чтобы он отдал им свои сокровища. Преподобный же им сказал: «Сокровище моё находится в углу кельи; войдите туда и возьмите его». Грабители ринулись в келью, где в углу находилась икона Богородицы.

Лишь только разбойники подошли к иконе Владимирской Божьей Матери, то все тут же были поражены слепотой. Со слезами они стали умолять Нила о прощении. Преподобный помолился Господу о заблудших и раскаявшихся преступниках, и все они прозрели. Затем святой Нил долго ещё поучал их в своей келье о душевном спасении, убеждая оставить навсегда порочное дело и вернуться к спокойной и трудолюбивой жизни, и разбойники дали слово никогда не возвращаться к своему прежнему занятию.

Чтобы избежать излишнего людского внимания, преподобный Нил попросил своих подопечных никому не рассказывать о своём дивном обращении на путь добродетельной жизни. Бывшие разбойники много лет хранили в тайне эту историю, рассказав о ней лишь после кончины святого Нила. Преподобный Нил преставился 7 декабря 1554 года, в воспоминание чего в это число и установлено празднование прославившейся у него Селигерской иконе Пресвятой Богородицы. Поскольку икона Божьей Матери находилась в келье преподобного Нила, то ещё одно её название – «Келейная» Владимирская икона БогоМатери .

Много дивных мест в стране родимой –

Каждое жемчужиной блистает!

Святость уголков моей России

Сам Господь с Пречистой Девой охраняют!

Есть край в глубинке родины моей,

Где множество озер росы прозрачней

Соединяют юркие ручьи,

В их капельках играет солнца зайчик…

Там островок –размером невелик,

И сосны вековые держат небо…

В былые времена жил преподобный Нил,

И привела его сюда Сама Святая Дева!

Так старец жил молитвой и постом,

Святого Духа святостью стяжая…

И с духом тьмы борьбу он непрестанно вел,

Всем сердцем Бога прославляя!

Случилось, что разбойники напали

В один из дней на старого монаха…

Они сокровищ здесь на острове искали…

Не знали, что у Нила лишь рубаха

И келия, что скрыта за горою…

Живет старик лишь верою святою.

Про роскошь никогда не знал

Не верили бродяги и кричали:

-Ну говори, где клад твой, говори!

На это старец отвечал им,

Что в келии в углу его сокровище стоит…

И бросились разбойники за кладом-

Они земные блага видеть чаяли….

А в келии икона Божьей Матери стояла

В чудесном небесном сиянии!

И, ослепленные Пречистой светом,

Они от страха на колени пали…

И преподобный Нил им говорил:

-И что же вы зачем пришли не взяли….

Разбойники раскаялись в грехах,

В слезах прощения просили у святого…

И с сокрушением просили, чтобы Нил

За них молился перед Богом.

И видел преподобный Нил

Раскаянье тех душ, что сбились и не могут

Пройти достойно трудный путь земной,

Сам опустился на молитву перед Богом…

И долго- долго Старый Нил молил

Пречистую Владычицу и Бога,

Чтоб Милосердный Бог им все простил

И излилась на грешных Божья благодать-

Быть может в первый раз такое в жизни испытали-

Ведь с ними рядом Милосердный Бог

И Божья Мать! Спасибо тебе богоносный старец!

И старец с миром пареньков тех отпустил:

-Идите, не грешите Божьи дети!

Перекрестив, их всех благословил:

-Зашитой Богородицы живите!

А преподобный еще много лет

На островке том Божьей Матери молился…

И многих он сподобился чудес,

Пока к престолу Бога не явился….

И этот сказ до наших дней хранит

Чудесный край с названьем Селигер –

Край уникальной красоты-

Величественных сосен и церквей…

По молитвам Богородицы

Ни одна душа с надеждой воскресала,

Скольких Ты из самой бездны,

Скольким праведным своей молитвой

Ты дорогу к Богу проложила…

Сколько пред иконами Твоими

О грехах пред Господом тужило….

Радуйся! Владычица Небесная!

Пресвятая моя Богородица!

Обретают радость в Господе

Все, кто Тебе молится!

Разместите анонс любого плэйкаста на главной странице сайта. Это могут быть Ваши собственные работы или понравившиеся плэйкасты других пользователей сайта. Каждый анонс добавляется в начало списка анонсов и проведет на главной странице сайта не менее 2 часов. Если все свободные места уже заняты, то Ваша заявка будет добавлена в очередь и появится на главной странице при первой же возможности. Сделайте подарок друзьям и близким, порадуйте себя, представьте интересные плэйкасты на всеобщее обозрение.

Добавляя анонс, вы автоматически соглашаетесь с Правилами размещения анонсов.